Mission Bhagiratha : ఖమ్మం జిల్లాలో మిషన్ భగీరథ లైన్ ఆపరేటర్గా పనిచేస్తున్న 35 ఏళ్ల చందనబోయిన గాంధీ ఆత్మహత్య చేసుకోవడం పెద్ద సమస్యకు నిదర్శనంగా మారింది.
ప్రస్తుతం ఈ పథకంలో కాంట్రాక్ట్, ఔట్సోర్సింగ్ విధానంలో పనిచేస్తున్న 17 వేల మంది కార్మికులు జీతాలు రాక తీవ్ర ఆర్థిక ఇబ్బందులు పడుతున్నారు.
కాంట్రాక్టర్లు, ప్రభుత్వం జీతాలు సమయానికి చెల్లించకపోవడంతో పరిస్థితి మరింత దారుణంగా మారింది.
నాలుగు నెలలుగా జీతాలు బకాయిగా ఉన్నాయని ఉద్యోగులు చెబుతున్నారు.
దసరా పండుగ సమయంలో కూడా కుటుంబాలను పోషించుకోవడంలో సైతం ఇబ్బంది పడుతున్నట్లు వారు వాపోతున్నారు.
నెలకు ₹18,000 జీతం కుదిరినా, కాంట్రాక్టర్లు ₹10,000 – ₹12,000 మాత్రమే చెల్లిస్తున్నారని మిషన్ భగీరథ వర్కర్స్ అండ్ ఎంప్లాయీస్ అసోసియేషన్ రాష్ట్ర కార్యదర్శి వి.రాములు ఆరోపించారు.
రాములు మాట్లాడుతూ, “జీతాలు ఇవ్వలేదని అడిగితే కాంట్రాక్టర్లు ప్రభుత్వం బిల్లులు క్లియర్ చేయలేదంటున్నారు. అధికారులు మాత్రం ఇది కాంట్రాక్టర్ల బాధ్యత అంటున్నారు. పైగా, నియామక ఆదేశాలలో సంఘాల్లో చేరరాదు, ఆందోళనలు చేయరాదు అనే షరతులు పెడుతున్నారు” అని అన్నారు.
కాంట్రాక్టర్లు కూడా కష్టాల్లోనే
మిషన్ భగీరథ పనులు చేసిన కాంట్రాక్టర్లు కూడా బిల్లులు రాక తీవ్ర ఇబ్బందులు పడుతున్నారు.
ప్రైవేట్ అప్పుదారుల ఒత్తిడితో కొంతమంది కాంట్రాక్టర్లు ఆత్మహత్యకు పాల్పడ్డారు.
మిషన్ భగీరథ పరిధిలో దాదాపు ₹12 కోట్లు బకాయిగా ఉన్నాయని తెలంగాణ ఎలక్ట్రికల్ కాంట్రాక్టర్స్ అసోసియేషన్ వెల్లడించింది.
సబ్స్టేషన్ మెయింటెనెన్స్, మరమ్మత్తులు వంటి పనులు చేసిన కాంట్రాక్టర్లు సచివాలయంలో నిరసనలు చేపట్టినా, బిల్లులు ఇప్పటికీ క్లియర్ కాలేదని తెలిపారు.
Read Also :
