MLC Kavitha :తెలంగాణ రాజకీయాల్లో మరో ఆసక్తికర పరిణామం చోటుచేసుకోబోతోందని వార్తలు వస్తున్నాయి. బీఆర్ఎస్ (BRS) పార్టీకి చెందిన ఎమ్మెల్సీ కవిత కొత్త రాజకీయ పార్టీని ప్రారంభించబోతున్నారని ప్రచారం జోరుగా సాగుతోంది. ఇప్పటికే ఆమె పార్టీకి సంబంధించిన రిజిస్ట్రేషన్ కూడా పూర్తయిందనే సమాచారం బయటకు వచ్చింది. ఈ నేపథ్యంలో, బీఆర్ఎస్ నుంచి అధికారిక సస్పెన్షన్ ఆర్డర్స్ వచ్చిన వెంటనే కవిత తన కొత్త పార్టీ పేరును ప్రకటించే అవకాశం ఉన్నట్లు చెబుతున్నారు.
ఇక మరోవైపు, నేడో రేపో (MLC)కవితను బీఆర్ఎస్ నుంచి సస్పెండ్ చేస్తారని కూడా రాజకీయ వర్గాల్లో చర్చ నడుస్తోంది. పార్టీ అధినేత కేటీఆర్,(KTR) ఇతర సీనియర్ నేతలతో కలిసి దీనిపై నిర్ణయం తీసుకుంటున్నారని సమాచారం. ఎర్రవల్లి ఫామ్ హౌస్లో ప్రస్తుతం ఈ విషయం మీద ప్రధాన చర్చ జరుగుతోందని తెలుస్తోంది. అక్కడే కవిత భవిష్యత్ రాజకీయాలపై కూడా ముఖ్యమైన చర్చలు జరుపుతున్నట్లు వార్తలు చెబుతున్నాయి.
కవిత కొత్త పార్టీ పెడతారనే వార్తలు బయటకు రావడంతో తెలంగాణ రాజకీయాల్లో ఆసక్తికర పరిస్థితి ఏర్పడింది. ఒకవైపు బీఆర్ఎస్ బలహీనమవుతుందనే అంచనాలు వ్యక్తమవుతుండగా, మరోవైపు కవిత కొత్త పార్టీ ఎవరితో కూటమి కడుతుంది, ఎవరెవరికి టికెట్లు ఇస్తుంది అనే విషయాలపై ఊహాగానాలు మొదలయ్యాయి.
కవిత కొత్త పార్టీ వల్ల ప్రస్తుత రాజకీయ సమీకరణాలు మారే అవకాశముంది. ఇప్పటికే రాష్ట్రంలో కాంగ్రెస్ పార్టీ అధికారంలో ఉండటం, బీజేపీ తన బలాన్ని పెంచుకునే ప్రయత్నం చేయడం వంటి పరిస్థితుల్లో కవిత కొత్త పార్టీ రంగప్రవేశం చేస్తే ఓటర్లలో ఆసక్తి కలిగించవచ్చు.
మొత్తం మీద, బీఆర్ఎస్ నుంచి కవిత సస్పెన్షన్, కొత్త పార్టీ ప్రకటన వంటి పరిణామాలు త్వరలోనే రాష్ట్ర రాజకీయాలను మరింత వేడెక్కించనున్నాయి. ప్రజలు, నాయకులు, రాజకీయ విశ్లేషకులంతా ఇప్పుడు కవిత తదుపరి అడుగుపై దృష్టి పెట్టారు.
Read Also :
