Bandi Sanjay Case : బండి సంజయ్ పై కేసులు
Latest Telangana

Bandi Sanjay Case : బండి సంజయ్ పై కేసులు

Case Filed On Bandi Sanjay : బీజేపీ రాష్ట్ర అధ్యక్షుడు, కరీంనగర్ ఎంపీ బండి సంజయ్ పై భారీగా కేసులు నమోదయ్యాయి. ఎమ్మెల్సీ ఎన్నికల కోడ్ ఉల్లంఘించారంటూ సూర్యాపేట పోలీస్ స్టేషన్లో కేసు నమోదయ్యింది.

ఇటీవల రెండు రోజుల పాటు ఉమ్మడి నల్గొండ జిల్లాలో పర్యటించారు బండి సంజయ్. రాష్ట్ర ప్రభుత్వం ధాన్యం కొనుగోలు చేయడం లేదంటూ రైతుల దగ్గరకు వెళ్లారు సంజయ్. కొనుగోలు కేంద్రాలకు వెళ్లిన ఆయన రైతులతో మాట్లాడారు. వారి సమస్యలు అడిగి తెలుసుకున్నారు.

bandi sanjay with farmers

ఈ సందర్భంగా టీఆర్ఎస్ కార్యకర్తలు, బీజేపీ కార్యకర్తల మధ్య  గొడవ జరిగింది. రాళ్లదాడులు జరిగాయి. బీజేపీ నేతలు భారీ ర్యాలీ కూడా తీశారు.

ప్రస్తుతం రాష్ట్రంలో ఎమ్మెల్సీ ఎన్నికల కోడ్ అమలులో ఉంది. దీంతో సూర్యాపేట తహశీల్దార్.. పోలీసులకు ఫిర్యాదు చేశారు. భారీ ర్యాలీ తీయడం, దాడులపై పోలీసులకు కంప్లైంట్ ఇవ్వడంతో తహశీల్దార్ ఫిర్యాదు ఆధారంగా బండి సంజయ్ పై మొత్తం 7 కేసులు నమోదు చేశారు.

ఐపీసీ 171 ఏ, 143, 147, 148,188, 504 రెడ్ విత్ 149 సెక్షన్ల కింద కేసులు ఫైలయ్యాయి.

Read Also :