Mahesh Babu : ఆగ‌స్టులో స్టార్ట్.. సమ్మర్ లో రిలీజ్
Cinema Latest

Mahesh Babu : ఆగ‌స్టులో స్టార్ట్.. సమ్మర్ లో రిలీజ్

Mahesh Babu : ముచ్చటగా మూడోసారి మ‌హేష్ బాబు(Mahesh Babu ), త్రివిక్రమ్ కాంబో సెట్టయ్యింది. ఆగ‌స్టులో ఈ సినిమా సెట్స్ పైకి వెళ్లనుంది. 2023 సమ్మర్ లో రిలీజ్ చేయనున్నారు. ఈ విషయాన్ని మేకర్స్ అధికారికంగా  ప్రకటించారు.  హారిక అండ్ హాసిని క్రియేష‌న్స్ బ్యాన‌ర్‌పై తెరకెక్కతోన్న ఈ సినిమాకు సూర్యదేవ‌ర రాధాకృష్ణ  నిర్మిస్తుండగా,  తమన్ సంగీతం అందిస్తున్నాడు. పూజా హెగ్డే హీరోయిన్‌గా నటించనుంది. ఇప్పటికే మ‌హేష్, త్రివిక్రమ్ కాంబోలో వచ్చిన అత‌డు, ఖ‌లేజా సినిమాలు ప్రేక్షకాదరణ పొందాయి.

మళ్లీ 12 ఏళ్ల తరువాత ఈ కాంబో రీపిట్ అవుతుండడంతో  ఈ చిత్రం పైన అంచనాలు భారీ స్ధాయిలో ఉన్నాయి. ఈ చిత్రానికి ‘అసుర సంధ్య వేళలో..’ అనే టైటిల్ అనుకుంటున్నట్టుగా సమాచారం.  నవీన్ నూలి ఎడిటర్‌గా, ఆర్ట్ డైరెక్టర్ గా  ఎఎస్ ప్రకాష్, సినిమాటోగ్రఫర్ గా  పీఎస్ వినోద్  ఈ చిత్రానికి వర్క్ చేస్తున్నారు. త్రివిక్రమ్ తో సినిమా కంప్లీట్ అయ్యాక రాజమౌళి మూవీకి షిప్ట్ కానున్నాడు మహేష్.